Nga Korça, ambasadori i Ukrainës në Shqipëri, ka bërë me dije se pasi të fitojnë luftën me Rusinë, njohja e pavarësisë së Kosovës do të jetë hapi i dytë.

Volodymyr Shukrov është shprehur se sot Ukraina është në zjarrin e luftës, andaj sipas tij  fillimisht duhet të fitojnë këtë luftë më pas do të shikojnë edhe çështje të tjera.

“Ne e dimë këtë çështje, e dimë këtë situatë, dimë gjithçka në lidhje me Kosovën, por unë dua të theksoj se Ukraina sot ndodhet në zjarrin e luftës dhe ju kërkoj të na lini të dalim nga zjarri i luftës dhe pasi të fitojmë, në fund t’i kthehemi temave të tjera. Sot për sot, gjëja më e rëndësishme për ne është të fitojmë luftën dhe të dalim nga ky tmerr i luftës që po ndodh në Ukrainë. Kosova do të jetë hapi i dytë”, ka thënë Shukrov.