Të qenët ambasador i Shteteve të Bashkuara të Amerikës (ShBA) në Kosovë ka qenë një “nder i madh”, ka thënë ambasadori në largim, Philip Kosnett.

“Largohem i bindur në aftësinë e popullit të Kosovës për të ndërtuar një të ardhme më të mirë për të gjithë”, ka shkruar ai në llogarinë e vet në “Twitter”.

Ambasadori në largim ka thënë se zëvendësi i tij, Nick Giacobbe, do të jetë i ngarkuar me punë deri në ardhjen e ambasadorit të ri.

Mandati trevjçar i Kosnettit përfundon në fund të vitit.

Ambassadori i ri i ShBA-së në Kosovë është emëruar Jeffrey M. Hovenier, por ai duhet të konfirmohet nga Senati amerikan.

Në një intervistë të mëhershme për “Radion Evropa e Lirë”, Kosnett ka thënë se marrëveshja për normalizimin e marrëdhënieve midis Kosovës dhe Serbisë nuk mund të arrihet pa kompromise nga të gjitha palët.

Being U.S. Ambassador to Kosovo has been a tremendous honor. I depart confident in the ability of Kosovo’s people to build a better future for all, knowing my friend and deputy Nick Giacobbe will be an outstanding Chargé d'Affaires until the arrival of the next Ambassador. pic.twitter.com/oY6oQpGDNW

— Ambassador Jeff Hovenier (@USAmbKosovo) September 17, 2021