Ambasadori i Shteteve të Bashkuara në Kosovë, Philip Kosnett, ka uruar besimtarët myslimanë për muajin e shenjtë të Ramazanit.

“Urimet më të mira për të gjithë agjëruesit e Ramazanit në Kosovë”, ka shkruar në llogarinë e vet në “Twitter” ambasadori Kosnett.

Ai ka postuar aty edhe një mesazh të sekretarit amerikan të Shtetit, Mike Pompeo, në të cilin thuhet: “Me fillimin e këtij muaji të shenjtë, shpresojmë të ketë përtëritje shpirtërore, mirësi, dashamirësi dhe harmoni në të gjithë botën”.

Muaji i Ramazanit ka nisur të hënën dhe do të zgjasë 30 ditë.