Ambasadorja e Shteteve të Bashkuara të Amerikës (ShBA) në Tiranë, Yuri Kim ka reaguar pas takimit që ka pasur me kryetarin e grupit parlamentar të Partisë Demokratike në Kryesinë e Kuvendit.

Ajo që bie në sy në postimin e diplomates amerikane në llogarinë e vet në në “Twitter” është se Kimi i referohet Alibeajt si kryetar i komanduar i PD-së.

Pra nuk e ka takuar Alibeajn në cilësinë e kryetarit të grupit parlamentar, por vazhdon ta njohë si kryetar të komanduar të PD-së, pas dorëheqjes së Lulzim Bashës.

“Diskutim shumë i mirë sot me ushtruesin e detyrës së kryetarit të PD-së dhe kreut të grupit parlamentar, për një gamë të gjerë çështjesh. ShBA-ja ka pasur një marrëdhënie të fortë, të veçantë me PD-në që në lindjen e saj. Ne e vlerësojmë këtë marrëdhënie dhe rolin e domosdoshëm të PD-së, shpresojmë që të dyja vetëm të forcohen. ShBA-ja dhe Shqipëria kanë shumë punë përpara për ta mbajtur Shqipërinë në rrugën e anëtarësimit në BE, demokracinë, ndërtimin e bashkëpunimit në mbrojtje dhe zgjerimin e mundësive të biznesit dhe ekonomike për të gjithë. Le të vazhdojmë së bashku përpara, jo mbrapa!”, ka shkruar ambasadorja Kim.

1/2 Very good discussion today w/ @pdshqiperi Acting Chair & Floor Leader @enkelejdalibeaj on wide range of issues. 🇺🇸 has had a strong, special relationship with PD from its birth. We value this relationship & PD’s indispensable role for 🇦🇱 – we hope both will only get stronger. pic.twitter.com/r9ie2mA55Y

— U.S. Ambassador to Albania (@USAmbAlbania) April 5, 2022