Mbarëvajtja e Kuvendit Zgjedhor të LDK-së, është vlerësuar lartë nga njohësit e rrethanave politike.

Ata kanë thënë se partitë tjera politike duhet të marrin shembull nga ky rast.  “Nga kuvendi i karrigëve në një kuvend që duhet të merret shembull nga të gjitha partitë politike. Kjo po që është një avancim drejt një skene politike për tu marrë shembull. Urime Kryetarit Lumir Abdixhiku e po ashtu urime edhe kandidatëve tjerë të cilët treguan lidership duke pranuar humbjen me nder”, ka shkruar analisti Ilir Ibrahimi në profilin e tij në “Facebook”.

Edhe gazetari Adriatik Kelmendi ka vlerësuar atmosferën në të cilën LDK-ja ka mbajtur kuvendin e saj zgjedhor. “Sot, partia më e vjetër në vend, LDK, e votoi për kryetar një 38-vjeçar, i cili vetëm 4 vjet më parë iu bashkua. Kuvendi shkoi në atmosferë feste, të gjithë kundërkandidatët e uruan fituesin dhe premtuan bashkëpunim”, ka shkruar Kelmendi në profilin e tij në “Facebook”.