Presidenti i Serbisë, Aleksandar Vuçiq, ka nënshkruar marrëveshjen për vendosjen e shërbimit të detyrueshëm ushtarak prej 75 ditësh.

Ai këtë e bëri të ditur në promovimin e oficerëve më të rinj të ushtrisë serbe në Beograd dhe beson se këtë vendim do ta miratojë edhe Qeveria. Hapi i fundit është konfirmimi në parlament.

Vuçiq më herët tha se shërbimi ushtarak do të jetë i detyrueshëm për burrat dhe vullnetar për gratë dhe se ai mund të prezantohet vitin e ardhshëm. Iniciativa është nisur në janar nga Shtabi i Përgjithshëm i Ushtrisë Serbe.

Aleksandar Radiq, një analist ushtarak, i tha Aljazeera Balkans se nuk do të duket ashtu siç e imagjinonte vetë presidenti.

“Papritmas përballesh me një kontroll serioz, e ai është kontrolli i të rinjve, të cilët do të bëjnë pyetje se çfarë hanë, ku janë të strehuar dhe ka kaluar koha kur u pezullua mandati zyrtar dhe tani gjithçka është e nevojshme, nga rregullimi i infrastrukturës, fjalë për fjalë duhet të blesh shtretër të rinj, të rregullosh ambientet për të jetuar këta njerëz, pastaj gjithçka që përfaqëson mbështetje logjistike, nga armët dhe pajisjet që duhet të nxjerrësh nga magazinimi, tek uniformat që duhet të blihen dhe të fitojnë opinionin publik”, thotë Radiq, duke shtuar:

“Ushtria është bërë e ngurtë, sigurisht që është gjithmonë një instrument politik, por vitet e kaluara ishte e qartë se ajo u kthye në një mjet për një lloj realiteti për qëllime të promovimit të politikës”, shtoi Radiq për Aljazeera.