Trajneri i Real Madridit, Carlo Ancelotti, ka dalë të mërkurën para gjykatës, ku akuzohet se nuk ka paguar 1 milion euro tatim mbi të ardhurat nga të drejtat e imazhit gjatë periudhës së tij të parë në klubin mbretëror.

Italiani Ancelotti është i fundit nga disa personazhe të famshëm të futbollit që do të hetohen nga autoriteti tatimor spanjoll për mashtrim të dyshuar tatimor.

Shumë raste, përfshirë ato të lojtarëve kryesorë si Cristiano Ronaldo i Portugalisë dhe Diego Costa i Spanjës, janë zgjidhur jashtë gjykatës me gjoba të mëdha.

Prokurori ka kërkuar që Anelotti të dënohet prej katër vjet e nëntë muaj burgim dhe një gjobë prej 3.2 milionë euro për dy akuza për evazion fiskal në vitet 2014 dhe 2015.

Konkretisht, Ancelotti akuzohet se ka mashtruar thesarin publik me 1 062 079 euro në vitet fiskale 2014 (386 361 euro) dhe 2015 (675 718 euro) gjatë periudhës së tij të parë si trajner i Real Madridit.

Ai ka argumentuar se Ancelotti kishte raportuar vetëm pagën që i paguhej nga Real Madridi dhe kishte hequr të ardhurat nga të drejtat e tij të imazhit në deklaratat e tij tatimore. Ancelotti u ka thënë gazetarëve javën e kaluar se kishte besim të plotë në sistemin spanjoll të drejtësisë dhe se mezi priste të dëshmonte në gjykatë.