Trajneri i Evertonit në Premier League, Carlo Ancelotti, ka folur për ecurinë e skuadrave në kampionatin italian, teksa nuk i ka kursyer elozhet për punën e bërë nga Conte te Interi dhe Maldini te Milani.

Ai e sheh Interi pretendent për titull në Serie A.

“Inter ka një shoqëri të fortë që ka investuar shumë dhe me një trajner si Conte në stol, janë gjithmonë pretendentë. Shoh një skuadër shumë të fortë në fushë, që pa Championsin do ta ketë edhe më të lehtë të synojë titullin. Nga ana tjetër Milani po bën mirë dhe kjo falë Maldinit, që me një buxhet minimal ka sjellë lojtarët e duhur te kuqezinjtë”, ka deklaruar Ancelotti.