Trajneri i Real Madridit, Carlo Ancelotti, ka komentuar në lidhje me Leo Messin, i cili para disa ditësh ka arritur ta fitojë trofeun e shumëkërkuar atë të Kupës së Botës.

Pasi argjentinasi e ka fituar çmim të vetëm që i mungonte, për shumëkënd ka marrë fund dilema e lojtarit më të mirë në histori.

Por, kështu nuk mendon trajneri i “Mbretërve”, Ancelotti. Sipas tij në këtë epokë ka pasur shumë lojtarë të rëndësishëm.

“Është e vështirë të thuhet. Ai është një futbollist i madh. Karriera e tij është spektakolare, por nëse ai është më i miri në histori, nuk e di sepse çdo epokë ka pasur lojtarë shumë të rëndësishëm. Të thuash se ai ka qenë më i miri në histori nuk do të dal nga goja ime. Unë i kam shijuar të gjithë lojtarët dhe tani kam një Top të Artë çdo ditë këtu (Benzema). Kam parë Maradona dhe Cruyff dhe i kam shijuar”, ka thënë Ancelotti.