![](https://www.epokaere.com/wp-content/uploads/2018/11/6DDAEDB8-C632-49BB-8BF6-11A1D7066FF3.jpeg)
Anëtarësimi i Kosovës në Interpol, i rëndësishëm për të gjithë
Nesër pritet që Kosova të votohet për anëtarësim në organizatën më të madhe të sigurisë Interpol.
Sheremet Ahmeti, ish-drejtor përgjithshëm i Policisë së Kosovës, ka thënë se shtetet anëtare do të kenë mirëkuptim dhe do ta përkrahin anëtarësimin e Kosovës në Interpol.
“Anëtarësimi në Interpol do të kontribuojë në sigurinë e përgjithshme globale e nacionale. Futja në agjendën për votim në Interpol, na jep shpresë së do të votohet anëtarësimi i Kosovës në Interpol”, ka thënë Ahmeti sot në RTK3.
Sipas tij Policia e Kosovës ka të gjitha përgatitjet për të qenë në këtë organizatë.
Organizata Ndërkombëtare e Policisë Kriminale (ICPO-INTERPO), është organizata ndërkombëtare që lehtëson bashkëpunimin ndërkombëtar të policisë. Është themeluar si Komisioni Ndërkombëtar i Policisë Kriminale.