Aktorja e famshme e “Hollywood”-it, Angelina Jolie, e ka humbur zyrtarisht betejën për të hequr gjyqtarin nga procedurat me ish-bashkëshortin, Brad Pitt.

Mediat e huaja shkruajnë se Jolie pretendoi më parë se gjyqtari, John W. Ouderkirk, i cili martoi çiftin në vitin 2014, nuk tregoi “marrëdhëniet e vazhdueshme të biznesit dhe profesionale që ka me ekipin ligjor të Pitt”.

Gjithashtu aktorja e dashur për publikun pretendoi se nuk mund të mendonte se ishte e drejtë që ky gjyqtar të vazhdonte të drejtonte “betejën” e divorcin katër vjeçar.

Por Gjykata Superiore e Kalifornisë vendosi zyrtarisht që Ouderkirk do të qëndronte në këtë çështje. Vendimi i gjykatës, i lëshuar të hënën, deklaroi se Ouderkirk e kishte bërë zbulimin e kërkuar kur ishte përfshirë më parë në çështje me firmën ligjore që përfaqësonte Pitt.

Nga ana tjetër kujtojmë se ish-çifti i njohur, që u nda në vitin 2016, duke i dhënë fund një marrëdhënie 12-vjeçare dhe dy viteve martesë, kanë gjashtë fëmijë së bashku, Maddox, 19-vjeç, Pax, 16, Zahara, 15, Shiloh, 14 dhe binjakët 12-vjeçarë Knox dhe Vivienne.