![](https://www.epokaere.com/wp-content/uploads/2020/09/auto_anglia1599328603.jpg)
Anglia mezi e mposhti Islandën
05 shtator 2020
| 20:51
Një penalti e konkretizuar nga Raheem Sterling i ka siguruar Anglisë tri pikët e para në edicionin e ri të Ligës së Kombeve. Anglia fitoi 1:0 ndaj Islandës.
Ndeshja u përcoll me fund dramatik. Pas golit të Sterlingut, islandezët patën rastin të barazonin në minutat shtesë, por Bjarnason gjuajti jashtë nga pika e bardhë.
Të dy kombëtaret mbyllën takimin me nga një futbollist më pak, pasi Kyle Walker e Ingi Ingason u ndëshkua me të kuq.
Ekipet bëjnë pjesë në Grupin 2 të Ligës A. Aty janë edhe Belgjika e Danimarka.