NASA ka nisur një anije kozmike që duhet të kërkojë gjurmë të jetës jashtëtokësore në hënën e Jupiterit.

Anija kozmike e quajtur “Europa Clipper” duhet të arrijë përfundimisht në hënën e Jupiterit, Europa, dhe parashikohet se do të ulet në këtë vend në vitin 2030.

“Kjo mund të ndryshojë atë që ne dimë për jetën në sistemin tonë diellor. Nën sipërfaqen e Evropës mund të ketë një oqean të madh me dyfishin e sasisë së ujit në Tokë”, tha ai.

Një numër shkencëtarësh shprehën entuziazmin e tyre për nisjen e kësaj anije kozmike dhe thanë se ajo mund të prekë ndjeshëm të gjithë.

“Nëse zbulojmë jetën kaq larg nga Dielli, kjo do të nënkuptonte një origjinë të veçantë për jetën në Tokë”, tha mikrobiologu Mark Fox-Powell.

Anija kozmike Europa Clipper është gjithashtu anija më e madhe kozmike e ndërtuar nga NASA për një mision specifik planetar. Udhëtimi është 2.9 miliardë kilometra i gjatë dhe kur të arrijë në vendndodhje, anija kozmike do të fillojë të rrotullohet rreth Jupiterit në prill të vitit 2030 dhe në vitin 2031 do të fillojë të bëjë 49 fluturime rreth hënës së Jupiterit.

“Edhe pse Europa Clipper nuk është një mision zbulimi i jetës, ai do të na tregojë nëse Europa është një vend premtues për të kërkuar përgjigje për një pyetje themelore në lidhje me sistemin tonë diellor dhe më gjerë”, tha NASA.

Shkencëtarët kanë deklaruar më parë se ata dyshojnë se përbërësit për jetën mund të ekzistojnë në hënën e Jupiterit, Evropa.