Milwaukee mposhti me rezultat 140-126 Indianas, duke iu bashkuar Bostonit në krye të renditjes në Konferencën e Lindjes. Ndeshje e jashtëzakonshme e Antetokounmpo, që realizoi 64 pikë e 14 rebound, një përbindësh në fushë, i papërmbajtshëm. Ky është rekordi i tij personal, ndërkohë që ndeshja pati disa sherre të vogla si në fushë ashtu dhe pas saj, në dhomat e zhveshjes.

Rikthehet te fitorja skuadra e Lakersave, që mundi me rezultat 122-119 San Antonio, në një ndeshje të hapur deri në fund. Davis ishte protagonist, autor i 37 pikëve e 10 rebound, ndërsa 30 pikët e Wembanyama për Spurs mbetën për statistikë. Fitore të rëndësishme korri Houstoni, që falë 25 pikëve të Eason, mundi me shifrat 117-104 rivalët e Memphisin.

Philadelphia qëndron mes ekipeve pretendente në Lindje pas fitores me rezultat 129-111 në fushën e Detroitit. Joel Embiid protagonist, autor i 41 pikëve e 11 rebound. Skuadra e Miamit, falë 23 pikëve të Robinson, mundi me shifrat 115-104 Charlotte, ndërsa Toronto mundi me shifrat 135-128 Atlanta, ndeshje ku u dallua Siakam me 33 pikë.

Rezultatet

Detroit – Philadelphia               111-129
Washington – New Orleans     122-142
Miami – Charlotte                      115-104
Toronto – Atlanta                      135-128
Houston – Memphis                 117-104

Milwaukee – Indiana                140-126
San Antonio – Lakers               119-122
Phoenix – Brooklyn                  112-116
Utah Jazz – New York              117-113