Njësia e Antidrogës në Policinë Rajonale në Gjakovë ka zhvilluar një aksion, që rezultoi me identifikimin e disa parcelave me kanabis.

Bimët janë shkatërruar, ndërsa hetimi tashmë ka filluar me urdhër të Prokurorit të Shtetit, raporton Sinjali.

Aksioni policor është kryer në fshatin Panorc të Malishevës, ku në një zonë malore janë zbuluar rreth 1 800 fije kanabis, të mbjella në tri parcela.

Bimët kanabis janë shkatërruar në vendin e ngjarjes, ndërsa policia ka ndërmarrë veprimet e nevojshme.

Bazuar në informacionet e para, personat e dyshuar për kultivimin e kanabisit janë shtetas të Shqipërisë dhe janë identifikuar dhe pritet të shpallen në kërkim.

Hetimi i rastit, burimet e njëjta thonë se ka përfshirë edhe aplikimin e masave të fshehta.

Lajmin e ka konfirmuar edhe Policia Rajonale në Gjakovë.