ANTIGONA E NËNËS
30 prill 2022
| 01:46
ME RASTIN E PËRVJETORIT TË RËNIES HEROIKE TË HEROINËS ANTIGONA FAZLIU
Nga Haki Morina
(Dëshmores së kombit Antigona Fazliut)
Kush të lindi ty
ty moj Antigona
cila perëndi
e trojeve tona
Ti e vogla e nënës
me ftyrën si hëna
me shumë se për tjerat
merak t’pati nëna
Luftove për votrën
për të ardhmën tonë
n’krah me Ilaz Kodrën
ti moj Antigonë
E paepur ishe
trime nga Drenica
n’zemër tënde kishe
gjak nga Shotë Galica
Kur s’pat më fishek
barot kishe brenda
flakë u bëre vet
krejt si në legjenda
Lulëkuqe e Kosovës
monument në zemrën tonë
Antigonë e kohës
e pavdekshmja jonë