Antonela e “Për’puthen” ka bërë së fundmi një bashkëbisedim me ndjekësit e saj, të cilët kanë qenë shumë kuriozë të dinë rreth jetës së saj private dhe rreth emisionit.

“A ke pas lidhje me një djalë nga Kosova?”, e pyet dikush. Antonela nuk ngurron të përgjigjet dhe i shkruan: “Po, dy vite e gjysmë”. Madje një gjë të tillë ajo e zbuloi edhe gjatë takimit të djeshëm me Andin.

Ndërsa një tjetër ka qenë kuriozë të dijë se çfarë mendon Antonela, “me vjehrrën dhe vjehrrin, apo pa ta”. Duke i thënë që të reagojë edhe Mevlani, me të cilin Antonela ka bërë dy takime.

“Vjehrra dhe vjehrri do i vinin shumë në ndihmë çiftit, kështu që pse jo”, i përgjigjet konkurrentja e “Për’puthen” fansit.

Dikush tjetër është kurioz të dijë se me kë shpreson ajo që të përputhet. “Më kë ta ketë shkruar Zoti”, i përgjigjet shkurt Antonela.

Gjithashtu kjo e fundit ka zbuluar se nuk u beson kurrë meshkujve.