Ish-deputeti i Kuvendit të Kosovës, Labinot Tahiri, ka bërë me dije se është anuluar protesta që pritej të mbahej sot nga ora 11.00 në sheshin “Skënderbeu” në Prishtinë.

Tahiri ka deklaruar se këtë e protestë e ka anuluar për shkak se Shoqata e Gastronomëve nuk do të jetë pjesë e saj.

“Protesta e thirrur nga unë për t’i mbrojtur bizneset dhe gastronomët ishte tepër e sinqertë dhe tepër e drejtë!”.

“Sot para 20 minutave, kryetari i gastronomëve paska dalë me një deklaratë ku nuk marrin pjesë në protestë, unë me përgjegjësitë që kisha për ta, e anulojë protestën për sot!”.

“Ata interes nuk paskan aspak, dhe i paskan punët mirë, nuk di si dilnin në sheshe me tenxhere e kusia!”, ka shkruar Tahiri në llogarinë e vet në “Facebook”.