Ambasadori i Kosovës në Gjermani, Faruk Ajeti, ka thënë se aplikimi i Kosovës për anëtarësim në Këshillin e Evropës është duke u përkrahur nga grupe brenda Parlamentit të Gjermanisë.

Ajeti ka publikuar edhe letrën e deputetëve gjerman, Frank Schwabe dhe Adis Ahmetovic nga SDP-ja.

“Kërkesa e djeshme e Republikës së Kosovës për anëtarësim në Këshill të Evropës është duke u përkrahur nga grupet më të fuqishme parlamentare të Bundestagut gjerman. Faleminderit për mbështetjen Frank Schwabe dhe Adis Ahmetovic nga SPD”, ka shkruar ambasadori Ajeti në llogarinë në “Facebook”.