Arb Manaj është bërë me klub të ri.

Sulmuesi nga Kosova i është bashkuar klubi kroat, Slaven Belupo.

Lajmin e ka bërë me dije klubi i tij i ri përmes një njoftimi në rrjetet sociale.

24-vjeçari i dha fund eksperiencës në Turqi, ku kishte luajtur me ekipet Ankara Keçiorengucu, Balikesirspor dhe së fundmi në Bandirmaspor.

Ish-futbollisti i Dukagjinit dhe i Trepçës ’89  ka nënshkruar kontratë dyvjeçare me klubin kroat, me mundësi vazhdimi për një tjetër.

Ai do të jetë në dispozicion të trajnerit që nga ndeshja me Osijekun.