Kryetari i komunës së Gjakovës, Ardian Gjini ka akuzuar Qeverinë e Kosovës se po fsheh numrin e saktë të vdekjeve nga COVID-19.

Përmes një postimi në Facebook, ai ka thënë se numri i vërtetë nuk është raportuar, duke i shtyre raportimet për disa ditë, ndërsa tani kur rastet janë grumbulluar, dalin shifrat në shesh.

Postimi i plotë:

Nga 1700 doza të vaksinimit në ditë deri para një jave, qendra e vaksinimit në Gjakovë tani i jep më pak se 500.

Punëtorët shëndetësorë ishin të gatshëm të punojnë edhe të dielave por nuk u lejuan, me pretekstin se nuk lëshohet SISH.

Po vërtetohet, ashtu siç kryetarët e komunave e dinin por nuk flisnin sepse nuk donim ta rëndonim gjendjen, se vaksina ka pak.

Poashtu e dinim se rastet e vdekjeve nuk raportohrshin sakte. Numri i vërtetë nuk është raportuar, duke i shtyre raportimet për disa ditë, ndërsa tani kur rastet janë grumbulluar, dalin shifrat në shesh.

Shumica prej nesh jemi kursyer nga komentet, vetem për të mos e politizuar tragjedinë që na ka kapluar, por qeveria po bën politikë. Shumë keq!

E sonte hipokrizia shpërtheu!! Kërkojnë nga qytetarët që të vaksinohen, thuajse qytetarët po refuzojne të vaksinohen!?

Qytetarët nuk po mund të sigurojnë termine për vaksinim, kjo është e vërteta.

T’i fajësosh qytetarët kështu?? Kulmi i hipokrizisë