Argjentina e Lionel Messit kërkon me çdo kusht kualifikimin për 1/8 e finales së Kupës së Botës.

Kjo kombëtare është kritikuar shumë pas dy paraqitjeve dëshpëruese në ndeshjet e para, por ata kanë edhe një rast që me fitore ndaj Nigerisë të kualifikohen tutje. Atmosfera jo e mirë në skuadër dhe mosbesimi në trajneri Jorge Sampaoli mund të ndikojnë edhe me paraqitje jo të mirë në ndeshjen vendimtare. Në anën tjetër, Nigeria, që pozicionohet e dyta me një barazim ndaj argjentinasve, do ta siguronte kualifikimin, derisa edhe Islanda që luan ndaj Kroacisë është ende në garë për kualifikimin, por fitorja ndaj kroatëve duket mision i pamundur.

Dy ndeshjet e tjera që zhvillohen të martën janë nga Grupi C, ku Franca e ka siguruar kualifikimin, por nuk pritet të lejojë befasi për ta humbur pozitën e parë në grup nga Danimarka, e cila ka grumbulluar katër pikë, por me humbje dhe me fitore të Australisë ndaj Perusë, eliminimi mund të ndodhë. Peruja ka pësuar dy humbje në dy ndeshjet e para, kurse në ndeshjen e fundit do të kërkojë që me rezultat pozitiv të përshëndetet nga ky Botëror.

Grupi C

16:00 Australia – Peruja
16:00 Danimarka – Franca

Tabela

1. Franca 6 pikë
2. Danimarka 4
3. Australia 1
4. Peruja 0

Grupi D

20:00 Islanda – Kroacia
20:00 Nigeria – Argjentina

Tabela

1. Kroacia 6 pikë
2. Nigeria 3
3. Islanda 1
4. Argjentina 1

/Epoka e re/