Pas Evropianit, edhe Kupa e Amerikës e ka finalisten e saj të parë dhe ajo është Argjentina.

Bardhekaltrit mundën me rezultatin e pastër 2-0 Kanadanë, që konsiderohej si një nga surprizat e këtij kompeticioni për shkak të ndeshjeve të bukura të zhvilluara.

Për Argjentinën shënuan Alvarez dhe Messi, teksa kanadezët, ndonëse provuan shumë, nuk mundën ta gjenin rrugën e rrjetës.

Tashmë kampionët e botës në fuqi do të presin përballjen mes Uruguait dhe Kolumbisë për të njohur rivalin e tyre në finalen e Kupës së Amerikës.