Arma të cilën i dyshuari V. I dyshohet se e përdori për vrasjen e viktimës I. S, në ndërtesën e Agjencisë së Kosovës për Inteligjencë ishte pa leje.

Këtë e konfirmoi zëvëndës prokurori, Ibrahim Berisha.

“Sipas informatës që më ka ofruar prokurorja kujdestare arma ishte ilegale”, ka deklaruar Berisha për “kallxo.com”.

Në anën tjetër Policia ka bastisur shtëpinë e te dyshuarit për vrasjen sot në ndërtesën e Agjencisë Kosovare të Intelegjencës.

Raportohet se bastisja ka ndodhur sot në mesditë.

Në shtëpinë e të dyshuarit ështe gjetur një armë e cila mbahej pa leje.

Sipas prokurorit Berisha, në bazë të hetimeve, i dyshuari pritet të intervistohet brenda 24 orëve.

“Gjatë periudhes kohore qe nenkupton mbrenda 24 orve do te intervistohet dhe kallximi penal dërgohet ne prokurori për procedurë të mëtejme”, ka shtuar Berisha.