Dy partitë opozite, Partia Demokratike e Kosovës  (PDK) dhe Lidhja Demokratike e Kosovës (LDK) kanë thirrur konferenca të jashtëzakonshme për media, pas aksionit për arrestimin e të dyshuarve për aferën e vajit dhe grurit në rezervat shtetërore.

Partia e drejtuar nga Memli Krasniqi, ka bërë me dije se konferenca do të mbahet në orën 12:00, ndërsa ajo e Lumir Abdixhikut në orën 13:00.

Policia e Kosovës ka arrestuar sot Ridvan Muharremin, pronarin e restorantit “Bukë e Zemër”, pas bastisjes se banesës se tij dhe restorantit të tij, në Prishtinë.

Ridvan Muharremi, i cili raportohet se është mik i ngushtë i kryeministrit Albin Kurti dhe zëvendëskryeministrit Besnik Bislimi, dyshohet si sekser në keqpërdorimin e rezervave shtetërore.

Pos Muharremit, në aksionin e sotëm të policisë dhe prokurorisë, që është zhvilluar edhe në MINT, nën pranga kanë rënë edhe dy zyrtarë të kësaj ministrie e cila drejtohet nga Rozeta Hajdari.