Anëtari i Nismës Socialdemokrate, Zafir Berisha, ka reaguar pas arrestimit të aktivistëve që po protestoni te zyrat e ZRrE-së kundër shtrenjtimit te energjisë elektrike.

Ai ka theksuar se veprimet e policisë tregojnë se qeveria është vënë në mbrojtje të interesave të mafisë energjetike.

“Qeveria e cila duhet të mbrojë interesat e qytetarëve dhe të sigurojë të drejtat e tyre, ka dëshmuar edhe njëherë se është më e interesuar për mbrojtjen e interesave të mafisë energjetike sesa për sigurinë dhe mirëqenien e popullit. Në vend që të merret me përballimin e çështjeve të rëndësishme që prekin jetën e qytetarëve, siç janë çmimet e shtrenjta të energjisë, ai zgjodhi të arrestojë aktivistët të cilët me të drejtë kundërshtojnë këto padrejtësi. Qeveria po i sillet si një makineri represive, duke e vënë popullin në shënjestër, në vend që të përballet me ata që po shkatërrojnë jetën e qytetarëve për interesa të ngushta. Çmimi i energjisë elektrike është i papranueshëm, dhe kushdo që guxon të flasë hapur kundër kësaj padrejtësie, është i pasigurt nga regjimi”, ka shkruar Berisha në “Facebook”.