Në Podujevë janë arrestuar dy persona.

Fillimisht të dyshuarit të parë i janë gjetur 48 qese me substanca narkotike e më pas është kryer kontrolli në shtëpinë e tij dhe objektet përcjellëse, ku janë gjetur armë, karikatorë, municion, para të gatshme, thikë e telefona.

Ndaj tij është iniciuar hetim në drejtim të veprës penale posedim i paautorizuar i substancave narkotike, psikotrope ose analoge. Ai është ndaluar për 48 orë.

Ndërsa ndaj të dyshuarit B.F është iniciuar rast për armëmbajtje pa leje.

Njoftimi i plotë i policisë:

Sekuestrohet armë, substancë narkotike, arrestohen dy persona

Policia e rajonit të Prishtinës në kuadër të punës së saj, ka intensifikuar veprimet e saj në drejtim të identifikimit dhe kapjes së personave që kanë shtrirë aktivitetin e tyre kriminal në fushën e shitblerjes së substancave narkotike.

Një nga kontrollet është ndërmarrë , nga zyrtarët policor të Podujevës, mbrëmë në rrugën “Zahir Pajaziti” në Podujevë.

Mbështetur mbi bazën e dyshimit të arsyeshëm, në rrugën e sipër shënuar është kryer një kontroll ndaj një personi të dyshuar, të cilit i është gjetur dhe sekuestruar një armë dhe sasi e substancës narkotike 48 qese rreth 100g.

Pjesë e aksionit ka qenë kontrolli i vendbanimit të të dyshuarit dhe objekteve përcjellëse, në rrugën “Fitorja” në Podujevë ku janë gjetë dhe sekuestruar :

-një pushkë gjuetie

-dy pistoleta (TT,Bereta)

-pesë karikatorë

-municion

-para të gatshme rreth 1000 Euro

-një mjet i prehtë-thikë

-tre telefona etj.

Lidhur me rastet janë arresruar dy persona rë dyshuar:

Ndaj të dyshuarit:

• F. F, mashkull, shtetas i Republikës së Kosovës, është iniciuar hetim në drejtim të veprës penale posedim i paautorizuar i substancave narkotike, psikotrope ose analoge.

Me aktvendim mbi ndalimin e personit të dyshuar të nxjerrë nga ana e prokurorit të shtetit, i dyshuari është dërguar në qendrën e mbajtjes prej 48 orësh.

Ndërsa ndaj të dyshuarit B.F, mashkull, shtetas i Republikës së Kosovës është inocuar rast për armëmbajtje pa leje.