Njësia Rajonale për Hetimin e Krimeve Ekonomike dhe Korrupsion në Prizren, në kuadër të Policisë së Kosovës, ka arrestuar tetë persona të dyshuar për “Organizim të skemave piramidale dhe bixhozit të paligjshëm”, është thënë në një komunikatë të policisë.

Arrestimet vijnë pas aksionit në trembëdhjetë lokacione ku në tetë prej tyre janë sekuestruar dëshmi si: kompjuterë, telefona mobil, para dhe tiketa të lojërave të fatit.

“Në lidhje me këtë operacion janë intervistuar personat e dyshuar, ndërsa për ecurinë e zbatimit të urdhër-kontrollit në vazhdimësi është informuar prokurori i shtetit dhe me vendim të prokurorit shtatë (7) nga personat e arrestuar janë ndaluar për 48 orë”, është thënë në komunikatën e Policisë së Kosovës.