Një anëtar i Forcave Ajrore të Shteteve të Bashkuara është arrestuar në lidhje me një sulm në Siri gjatë muajit prill.

Kjo e fundit, la të plagosur katër anëtarë të tjerë të shërbimit.

Lajmi u bë i ditur nga agjencia Reuters, duke cituar degën ushtarake.

Ushtria amerikane fillimisht e konsideroi sulmin në fshatin Green në Sirinë lindore,si zjarr indirekt.

Më vonë, hetimet e mëtejshme kishin treguar se shpërthimet ishin rezultat i “vendosjes së qëllimshme të ngarkesave shpërthyese”.

Këto, në një zonë për mbajtjen e municioneve. Zyrtarët thanë se po shqyrtonin mundësinë e një sulmi të brendshëm.

Forcat Ajrore nuk pranuan të identifikonin anëtarin e shërbimit.

“Si pjesë e një hetimi në vazhdim, më 16 qershor, një aviator u mor në paraburgim në shtet në lidhje me sulmin në Green Village, Siri”, zbuloi në një deklaratë zëdhënësja e Forcave Ajrore Ann Stefanek.

Multi-mediali amerikan ‘CNN’ raportoi i pari për arrestimin.

Zyrtarët ushtarakë amerikanë thonë se rreth 900 trupa amerikane po operojnë në Siri, kryesisht duke trajnuar dhe këshilluar forcat partnere që luftojnë mbetjet e ISIS-it.