Drogë me personazhe vizatimore u zbuluan së fundmi në Shqipëri.

Në pamje të parë duket si një puzzle për fëmijë që mban emrin e shkrimtarit dhe karikaturistit amerikan dr. Seuss, por në fakt është drogë sintetike LDS e cila vinte nga Serbia me postë në Shqipëri.

Vetëm një kuadrat i vogël disa milimetra i këtij puzzle tregtohej 3 mijë lekë dhe konsumohej duke u vendosur poshtë gjuhës nga të rinjtë.

Policia ra në gjurmë të këtij rrjeti pas disa muajsh hetime që u finalizuan me arrestimin e 25 personave dhe shpalljen në kërkim të 3 të tjerëve.

Siç raporton TCH, ajo që ka ndryshuar është mënyra e veprimit të shpërndarësve të drogës, të cilët tashmë lëvizin të kamufluar si shpërndarës ushqimesh dhe picash, postierë dhe herë të tjera dhe si taksistë.