Një person është arrestuar të martën në Prizren.

Ai dyshohet se ka përfituar jashtëligjshëm rreth 100 mijë euro.

“I njëjti, pas intervistimit, u dërgua në mbajtje për 48 orë. Me rastin po merret Sektori i Hetimeve Rajonale”, ka njoftuar policia.

Burimet e gazetës bëjnë me dije se këto mjete ishin përfituar përmes mashtrimit.

Nuk dihet ende saktësisht se si i ka marrë ai këto para.

Ai për të njëjtin rast ishte denoncuar edhe në janar, ishte arrestuar, më pas liruar.