Policia e Kosovës ka arrestuar njërin nga organizatorët e sulmeve ndaj KFOR-it dhe policisë në Zveçan. Bëhet fjalë për Milun Milenkoviq- “Llune”.

Lajmin e ka bërë me dije ministri i Punëve të Brendshme, Xhelal Sveçla.

Sveçla ka thënë se Milenkoviqi i njohur me nofkën “Llune” është njëri nga udhëheqësit e formacionit kriminal “Mbrojtja Civile” dhe prijës i bandave kriminale.

Ai ka thënë se gjatë arrestimit të tij janë lënduar lehtë dy zyrtarë policorë.

“Siç edhe e kam theksuar në vazhdimësi, koha e bandave kriminale në veriun e vendit tonë ka përfunduar. Të gjithë individët apo grupet kriminale që kanë cenuar sigurinë dhe rendin kushtetues të Republikës së Kosovës, do të përballen me drejtësinë”, ka thënë Sveçla.