Skuadra e Arsenalit po sfidon Chelsean dhe Liverpoolin për shërbimet e sulmuesit të krahut, spanjollin Nico Williams.

Raportohet se Arsenali tashmë i ka bërë ofertë zyrtare Athletic Bilbaos për Williamsin, të cilin trajneri Mikel Arteta po e kërkon me çdo kusht.

Për transferimin e Williamsit gjatë këtij muaji, thuhet se Arsenali ka ofruar hiq më pak se 60 milionë euro kurse 22-vjeçarit i ka ofruar kontratë pesëvjeçare. Williams ka kontratë me Bilbaon deri në vitin 2027, ndërsa këtë sezon ka shënuar 2 gola dhe ka bërë 5 asistime në 24 ndeshje të luajtura në të gjitha garat.