Që nga viti 2002 Bashkimi Demokratik për Integrim (BDI), në asnjë moment nuk është kyçur në fushatë të zezë kundër kundërshtarëve të vet politik, por përkundrazi i ka ftuar ata që të bashkohen, të unifikohen dhe ta sfidojnë BDI-në.

Kështu ka deklaruar sekretari i BDI së, Artan Grubi. Ai ka thënë se BDI-ja ka ofertë të jashtëzakonshme për zgjedhjet parlamentare në Maqedoninë e Veriut.

Më tutje, ai ka thënë se BDI-ja ka një program voluminoz, ambicioz dhe modern.

“Po kërkojmë bashkimin e votës shqiptare dhe të tjerëve rreth këtij programi dhe rreth kryeministrit të parë shqiptar . Nuk do merremi me partitë tjera politike, por do ta prezantojmë ofertën tonë”.

“Ndryshe nga partitë tjera që synimin e kanë të fitojnë përballë BDI-së, synimi jonë i vetëm është që ta fitojmë besimin e qytetarëve” ka theksuar Grubi.

https://www.facebook.com/ArtanGrubi/videos/906999416450527/