Ministrja e Ekonomisë, Artane Rizvanolli ka thënë se do të kërkojnë që masat emergjente për situatën energjetike në Kosovë të vazhdojnë edhe më tutje.

Kjo pasi Rizvanolli ka thënë se “Kosovën e pret një dimër i vështirë”, për shkak të krizës energjetike.

Rizvanolli po ashtu bëri të ditur se kanë shfuqizuar vendimin e vitit 2018  lidhur me ndalimin e dhënies së thëngjillit në formë dhurate për punëtorët e KEK-ut.

“Jemi në një kohë kur moti po fillon të ftohet. Tani po kërkojmë që masat emergjente të zgjaten duke pasë parasysh se pritet të jetë një dimër i vështirë.

Gjatë kësaj kohe kemi marrë disa vendime. Kemi marrë vendim për ndalimin e dhënies së thëngjillit në formë të dhuratës për punëtorët e KEK.

Së shpejti do të bëhet ndalimi i importit të poçave elektrikë joefiçent”, tha ndër të tjera Rizvanolli gjatë raportimit në Komisionin  për Ekonomi, Industri, Ndërmarrësi dhe Tregti.