Trajneri Mikel Arteta këmbëngul se Arsenali nuk ka asgjë për t’u shqetësuar pavarësisht humbjes 1-0 ndaj Interit në Ligën e Kampionëve.

“Topçinjtë” janë pa fitore në tri ndeshjet e fundit të Ligës Premier dhe humbja nga Interi të mërkurën mbrëma, çoi formën e tyre të dobët në katër ndeshje pa fitore. “Sigurisht që me numrin e rasteve që krijuam ne duhet të kishim shënuar dhe kjo varet nga ne”, ka thënë Arteta.

“Sidoqoftë mënyra se si luajti skuadra, ne ishim ne. Niveli i intensitetit, niveli i cilësisë, si arritëm në kuadrat dhe si dominuam në stadiumin e tyre një ekip që është një nga më të mirët në Evropë. Jam shumë krenar për skuadrën time. Nëse luajmë kundër Chelseat siç luajtëm kundër Interit, ne mund të fitojmë”, ka shtuar Arteta.