Në fshatin Pagarushë të Komunës së Malishevës janë asfaltuar dy rrugë në dy lagje të ndryshme, të cilat lidhin lagjet me rrugën kryesore dhe me pjesën tjetër të fshatit.

Asfaltimin e këtyre rrugëve nga afër e ka përcjell edhe kryetari i Komunës së Malishevës, Ragip Begaj, dhe nënkryetari Hajdin Berisha.
Begaj ka thënë se rregullimi i infrastrukturës rrugore siguron lëvizjen e lirë të qytetarëve.

“Ne jemi duke investuar në infrastrukturën e Komunës së Malishevës me qëllim të krijimit të kushteve sa më të mira për të gjithë, përfshi edhe sigurimin e lëvizjes së lehtë të qytetarëve në të gjitha vendbanimet”, ka thënë Begaj.

Ndonëse Pagarusha është një vendbanim shumë i shpërndarë, me lagësi të mëdha ndërmjet lagjeve, infrastruktura rrugore pothuajse është kompletuar, sidomos në rrugët kryesore që lidhin lagjet me rrugën kryesore dhe lëvizja e banorëve është lehtësuar.