Suedia ashpërson masat kundër Covid-19.  “Situata do të përkeqësohet”, tha kryeministri suedez, Stefan Lofven, duke njoftuar reduktimin e pjesëmarrjes në tubimet publike nga 50 persona që ishte, në 8.

“Është një sinjal i qartë dhe i mprehtë për çdo person në vendin tonë se çfarë do të zbatohet në të ardhmen. Mos shkoni në palestër, mos shkoni në bibliotekë, mos darkoni jashtë, mos bëni festa. Anulojini!”, shtoi ai në një konferencë për shtyp.

Ky është hapi i dytë pasi një javë më parë vendi mbylli të gjitha baret pas orës 22:00 dhe tani ka rekomandime të veçanta për banorët, të tilla si shmangia e transportit publik ose dyqaneve në pothuajse të gjithë vendin.