Kristjan Asllani ndihmoi jashtëzakonisht shumë Shqipërinë në fitoren 1-3 ndaj Ishujve Faroe, pasi shënoi një gol spektakolar.

“Shpresoja që topi të më vinte. E pashë linjën e Ishujve shumë pas. E kisha ndarë mendjen ta gjuaja në portë. Falë Zotit ma dha Nedimi. Kombëtarja është ëndërr që kur lind. Po bëjmë mirë. Ky grup është i vështirë. E pamë që Moldavia ka fituar me Poloninë. Për Champions çfarë të them. Duhet ta kishim fituar. Shpresojmë të na vijë një rast tjetër. Unë jap zemrën në fushë. Edhe te Interi dua të luaj. Por shoh futbollistët që kam përpara. Kam mësuar shumë gjëra. Falënderoj trajnerin që më dha mundësinë të luaj nga minuta e parë. Gjithë e dinë që unë kam shumë qejf të godas nga jashtë. Tre herë shkoi keq, më pas erdhi fati, çfarë t’i bëjmë”, ka thënë Asllani.