Nuk pati surpriza në mbrëmjen e së enjtes në NBA, me skuadrat pretendente që arritën të fitonin lehtësisht sfidat e tyre të radhës. Kështu Clevelandi vijon të komandojë renditjen e NBA-së pas fitores 137-115 ndaj Atlanta.

7 lojtarë të ekipit vendës realizuan mbi 10 pikë, ku dyshja Garland-Mitchell së bashku realizoi 50 pikë. Ndeshje mjaft e mirë edhe nga Mobley që realizoi një double double, teksa realizoi 16 pikë dhe 10 rebound. Pa probleme fiton jashtë fushe ekipi i Lakersave, që mundi me rezultat 134-96 Washington. Të gjithë titullarët e Lakersat realizuan mbi 10 pikë, ku spikati LeBron James me 24 pikë e 11 asistime. Ndeshje shumë e mirë edhe për James Jr, të birin e “yllit” të Los Angeles Lakers, që arriti të realizojë 5 pikë, 2 asistime si dhe kapi 2 topa në tabelë.

Fitore në sekondën e fundit për Memphisin, që mundi me rezultat 120-119 Houstonin, ndeshje ku u dallua Desmond Bane me 24 pikë e 12 rebound. Skuadra e Portlandit, falë Scoot Henderson (23 pikë), mundi me rezultat 119-90 Orlando.

Rezultatet

Cleveland – Atlanta          137-115
Washington – Lakers       96-134
Utah Jazz – Minnesota    113-138
Memphis – Houston        120-119
Portland – Orlando          119-90