Kanë kaluar pesë muaj që nga ratifikimi i marrëveshjes së demarkacionit me Malin e Zi dhe ende nuk është ndërmarrë asnjë veprim në drejtim të korrigjimit të vijës kufitare, siç parashihet me marrëveshje.

Kryetari i Komisionit Shtetëror për Shënjimin dhe Mirëmbajtjen e Kufirit Shtetëror, Shpejtim Bulliqi, ka deklaruar për “Epokën e re” se janë në pritje të veprimit të politikës, e cila, sipas tij, është përgjegjëse për hapjen e rinegocimit të marrëveshjes.

“Ne ende nuk kemi ndërmarrë diçka konkrete nga Qeveria. Faktikisht, ne i kemi bërë ato punë që dihen tashmë në këtë proces. Ne po presim tash që procesin e rinegocimit ta hapë politika, pra Qeveria. Ne si komision nuk e bëjmë hapjen e këtij procesi. Pa e marrë një veprim politika, ne nuk kemi mundësi të bëjmë diçka tjetër”, ka thënë Bulliqi.

Ai ka treguar se Komisioni që ai drejton është i gatshëm tëfillojë me këtë proces.

“Politika duhet t’i paraprijë procesit pra ajo duhet ta hapë procesin e rinegocimit, tek pastaj komisioni profesional ulet në tavolinë dhe vazhdon punën që i takon”, është shprehur ai.

(Shkrimin e plotë mund ta lexoni në numrin e sotëm të gazetës “Epoka e re”)