Asociacioni i Komunave të Kosovës kërkon nga Ministria e Shëndetësisë që ta heq orën policore

30 janar 2022 | 12:51

Asociacioni i Komunave të Kosovës (AKK) është duke vazhduar të kërkojë nga Ministria e Shëndetësisë (MSh) që ta largojë orën policore.

Drejtori i këtij AKK-së, Sazan Ibrahimi, ka thënë për “Express” se si asociacion kërkojnë një takim me ministrin e Shëndetësisë para 4 shkurtit, kur edhe do të rishikohen masat e marra.

Ai ka thënë se vendosja e orës policore nuk po jep rezultate që nga tetori i vitit të kaluar kur vendi regjistronte një numër më të ulët të rasteve të reja.

“Kërkojmë takim me ministrin e shëndetësisë para 4 shkurtit para rishikimit të masave që të diskutohet me kryetarët e komunave po mendojmë po shihet që masa e orës policore nuk po jep rezultate që nga tetori kur regjistronim 4 – 5 raste të reja, tash po shihet që masa e ndikimit e orës policore nuk po jep rezultate”, ka deklaruar ai.

Ibrahimi po ashtu ka kërkuar që të kthehen në Komitetin për vlerësimin e gjendjes me pandeminë.

Ndërsa, ai u ka bërë thirrje qytetarëve që të vaksinohen me dozën e tretë të vaksinës për t’u mbrojtur nga virusi.

Lajme të sponsorizuara

Të fundit
Presidenti i Ukrainës, Volodymyr Zelensky, ka tërhequr  vëmendjen që të…