Kryeministri Edi Rama është kthyer në Tiranë dhe po kryeson mbledhjen e jashtëzakonshme të Këshillit të Ministrave që po mbahet mëngjesin e sotëm.

Rama ka deleguar ministren e Arsimit, Besa Shahini dhe atë të Shëndetësisë dhe Mbrojtjes Sociale, Ogerta Manastirliu, që të vijnë në Kosovë dhe t’i bindin njerëzit të kthehen dhe të akodmohen në hotele.

Shefi i ekzekutivit tha se në Kosovë janë strehuar 783 persona. “Për sa i përket strehimit, sot kemi kapërcyer numrin e 4 000 personave në hotele, 254 janë në palestra dhe shifra e përafërt e atyre që janë në çadra, por këtu vijon puna për të garantuar çadra dimërore me standarde. Kemi  6323 persona, 395 persona në qendra shëndetësore dhe 783 persona në Kosovë. Besa (Shahini) dhe Ogerta (Manastirliu) do të kërkoja të shkonin në kampin në Kosovë për të bërë një vizitë dhe për t’u thënë që të kthehen dhe të akomodohen në hotele. Ka edhe një grup 436 persona të regjistruar në strehë të ndryshme. Sot në total janë 12 366 persona në këtë strukturë emergjence”, deklaroi Rama.

Po ashtu, Rama tha se situata po paraqitet më pozitive në raport me nevojat imediate dhe se ajo po shkon drejt përmirësimit.