Gjatë ceremonisë së fundvitit të organizuar nga Ministria e Mbrojtjes së Republikës Federale të Gjermanisë, atasheu i mbrojtjes së Republikës së Kosovës në Berlin, nënkolonel Besim Gashi, u nderua me mirënjohjen e arritjes nga autoritetet e Bundeswehr-it.

Ministria e Mbrojtjes ka njoftuar se ky çmim prestigjioz është një dëshmi e performancës së tij të shkëlqyer dhe përkushtimit të tij në kryerjen e detyrave të misionit.

Kjo arritje përfaqëson një shembull të shkëlqyer të profesionalizmit dhe përfaqësimit dinjitoz të Republikës së Kosovës në arenën ndërkombëtare.