Ish-presidentja Atifete Jahjaga, ka marrë pjesë në kampionatin e organizuar nga Federata Automobilistike e Kosovës në qytetin e Ferizajt, ku ka garuar me gra super vozitëse.

Jahjaga në llogarinë e vet në “Facebook”, ka shkruar se janë mësuar t’i heqim barrierat e pengesat që kanë përpara në çdo sferë të jetës.

“E diela sportive! Pata kënaqësinë që, në kuadër të kampionatit të organizuar nga Federata Automobilistike e Kosovës në qytetin e Ferizajt të garojë me gra super-vozitëse nga i gjithë rajoni në disiplinën ‘auto slalom’. Jemi mësuar t’i heqim barrierat e pengesat që na vendosen përpara në çdo sferë të jetës, por sot u dashtë t’i anashkalojmë pak”, ka shkruar Jahjaga.

/Epoka e re/