Administrata Tatimore e Kosovës (ATK) ka njoftuar se gjatë periudhe janar-nëntor ka mbledhur 673.5 milionë euro tatime.

Kjo vlerë ka rritur të hyrat e mbledhura krahas planit të rishikuar për 15.5 milionë euro apo 2.4 për qind.

“Më shumë të hyra të mbledhura janë shënuar edhe nëse krahasojmë periudhat e njëjta të vitit 2021 dhe këtij viti, ku shuma e tejkaluar është  121.05 milionë euro  apo 21.9 për qind. Totali i të hyrave të mbledhura tatimeve dhe kontributeve 890.4 milionë euro. Referuar trendit aktual të mbledhjes së të hyrave, ATK-ja konsideron që deri në fund të dhjetorit do të arrit të realizojë projeksionin për këtë vit, por edhe të tejkaloj atë”, ka njoftuar ATK-ja.