ATK-ja, e para në raportin OECD-së mbi konkurrencën në Evropën Juglindore
Administrata Tatimore e Kosovës (ATK) është vlerësuar më së miri në raportin e OECD-së mbi Konkurrencën në Evropën Juglindore 2021.
Sipas njoftimit për medie, ATK-ja është vlerësuar në fushat: tiparet, funksionet dhe organizata, në vlerësimin e përmbushjes dhe menaxhimin e rrezikut, pavarësinë dhe transparencën, deklarimin tatimor dhe procedurat e pagesës, shërbimet ndaj tatimpaguesve.
Në këtë raport përfshihen gjashtë vende të Evropës Juglindore, si Shqipëria, Bosnjë dhe Hercegovina, Maqedonia e Veriut, Kosova, Mali i Zi dhe Serbia.
Raporti vlerëson në mënyrë gjithëpërfshirëse reformat e politikave në ekonomitë e Evropës Juglindore.
Ky raport synon t’u ofrojë politikë bërësve të Evropës Juglindore një mjet krahasimi shumëdimensional, duke u mundësuar atyre të krahasojnë performancën ndaj kolegëve rajonalë si dhe praktikat e mira të OECD dhe të hartojnë politikat e ardhshme bazuar në prova të pasura dhe rekomandime të veprimit të politikave.
Po ashtu në këtë raport ATK-ja vlerësohet lartë për zbatimin e funksionit të hetimit të mashtrimeve tatimore, mbikëqyrjen e vlerësimit të përmbushjes tatimore dhe menaxhimin e rrezikut dhe avancimin e shërbimeve elektronike.