Administrata Tatimore e Kosovës (ATK), e mbështetur nga Programi i USAID për Qeverisje Ekonomike në Kosovë, sot do të bëjë lansimin e tri shërbimeve të reja elektronike të Administratës Tatimore të Kosovës.

Këto tri shërbime elektronike do të ndihmojnë tatimpaguesit të përmirësojnë të kuptuarit e përmbushjes tatimore, të bëjnë vlerësim të obligimeve tatimore, si dhe të raportojnë evazionin dhe parregullsitë tatimore në mënyrë elektronike.

Në këtë event të ftuar janë përfaqësues nga institucionet e vendit, përfaqësues nga sektori privat, shoqëria civile, si dhe partneret e përhershëm.