Barcelona konfirmon momentin e vështirë që po kalon, teksa është mundur edhe mbrëmjen e sotme ndaj Atletico Madrid.

Skuadra blauagrana është mposhtur 2-0 në “Wanda Metropolitano”.

Në minutën e 23-të, skuadra e Diego Simeones pas një aksioni shumë të bukur arrin të finalizohet mjaft mirë nga Thomas Lemar.

Në fundin e pjesës së parë Lemar shërben një asist fantastik për Luis Suarez, i cili nuk fal përballë portierit, por më pas nuk e feston golin. Në fraksionin e dytë rezultati nuk do të ndryshonte, pavarësisht rasteve të Barcelonës.

Atletico ngjitet në vendin e dytë me 17 pikë, po aq sa Real Madrid.