Klubi spanjoll Atletico Madrid është i gatshëm të pranojë një ofertë nga Manchester City për yllin portugez Joao Felix.

Portugezi është një lojtar që i intereson klubit anglez, veçanërisht pas humbjes së Ferran Torres këtë muaj pasi u transferua te Barcelona. Sipas mediumit “O Jogo”, City po përgatit një ofertë prej 70 milionë eurosh për yllin portugezi.

Ky medium shton se klubi nga Wanda Metropolitano është i gatshëm të bëjë biznes. Atletico do të ishte gati ta shesë Felixin dhe më pas të investojë paratë e mbledhura për të nënshkruar me Darwin Nunez nga Benfica këtë verë. Sulmuesi uruguaian, dikur i Almerias, aktualisht është golashënuesi më i mirë në Portugali, me 13 gola të shënuar në 14 ndeshje.

Në anën tjetër, Felix u ble për mbi 100 milionë euro për ta zëvendësuar Antoine Griezmann, por ka dështuar t’i tregojë vlerat.